استغل الفرص واشتر بنص السعر.!

لك مني بعض النصائح اللي بتفيدك في هذا الموضوع :

1- قبل تشتري استغل المواسم العالمية والمحلية للتخفيضات  اللي فيها عروض مثل الجمعه البيضاء ، اليوم الوطني  ،يوم الام ، يوم التأسيس  ، يوم العزاب ، يوم المرأة وغيرها من الايام اللي تقدر تشتري اللي ودك بنص السعر.  

2- استخدم المواقع اللي تساعدك في المقارنة بين الاسعار المنتجات وتعيطك ارخص سعر .

3- قبل تنفيذ الطلب دور على كود خصم لمتجرك في كثير تطبيقات توفر اكواد خصم نون ، نمشي ، فوغا كلوسيت ، اناس ، سيفورا واغلب المتاجر العروفة مثل تطبيق صحصح حمله وشيك عليه قبل تطلب .

4- املى السلة واتركها فترة بيتواصلون معاك يذكرونك فيها على الايميل او الواتساب واحتمال يعطونك كود خصم يخصم لك مبلغ ممتاز .

5- عروض المتاجر الخاصة في متاجر لها عروض وتخفيضات خاصة فيها مثل :6 ستريت عندهم (عروض السوبر6) وامازون (تخفيضات برايم ) وغيرها الكثير ابحث عنها وسجل تواريخها .

6- الاغلب مايفضل هذا الشي بس يعد شي مهم سجل في النشره البريدة الخاصه بالمتجر اللي ودك تطلب منه راح توصلك ايميلات بأوقات العروض والتخفيضات واكواد خصم ، السياسة هذي تستخدمها كثير من المتاجر والمواقع اللي تشجع فيها العميل على الشراء والرجوع اكثر من مرة.



نقاط بسيطه بتساعدك في توفير فلوسك وتشتري المنتج بسعر ممتاز احفظها عندك وابدا طبقها ورح تلاحظ الفرق في طريقتك في الشراء وكيف اختلف النمط الشرائي عندك واخيرا اطلع على تقييم المتجر في قوقل او ابحث عنه في مواقع التواصل الاجتماعي عشان ما تطيح في فخ المتاجر الوهمية . 
  دائما استغلال الفرص يخليك كسبان وفي مَثل كثير نسمعه  اللي "خبي قرشك الابيض ليومك الاسود " الله يبعد عنا الايام السوداء بس خلك نبيه و وفر وقتك وفلوسك